“O‘zbekneftgaz” AJ boshqaruv raisi Mehriddin Abdullayev topshirig‘i bilan tizimdagi korxonalar tomonidan 2022-yilda mavjud ishlab chiqarish quvvatlaridan samarali foydalanib, qurilmalarni uzluksiz, bir maromda va to‘xtalishlarsiz ishlatishni ta’minlash maqsadida bir qator chora-tadbirlar amalga oshirilmoqda.
Jumladan, Sho‘rtan neft va gaz qazib chiqarish boshqarmasi va Muborak gazni qayta ishlash zavodi (Muborak GQIZ)da mavjud propan-butan aralashmasini ajratib olish qurilmalarini modernizatsiya qilish, Muborak GQIZ hamda Gazli neft va gaz qazib chiqarish boshqarmasida yangi qurilmalarni ishga tushirish investitsiya loyihalarni amalga oshirish hisobidan joriy yilda 652,7 ming tonna suyultirilgan gaz ishlab chiqarish rejalashtirilgan.
2022-yilning yanvar—may oylarida “O‘zbekneftgaz” AJ tasarrufidagi neft va gaz qazib chiqarish, qayta ishlash boshqarma va korxonalarida suyultirilgan gaz ishlab chiqarish reja ko‘rsatkichi 270,5 ming tonna belgilangan bo‘lib, amalda 288,9 ming tonna rejaga nisbatan 106,8 foiz (o‘sish sur’ati 109,8 foiz) ishlab chiqarildi.
Shuningdek, Respublika iste’molchilariga 267,7 ming tonna suyultirilgan gaz yetkazib berish rejalashtirilgan bo‘lib, amalda 277,6 ming tonna, rejaga nisbatan 103,7 foiz (o‘sish sur’ati 107,2 foiz) yetkazib berildi.
Shu bilan birga birinchi navbatda aholining maishiy ehtiyoji va ijtimoiy soha obyektlari uchun “Hududgazta’minot” AJning hududiy gaz ta’minoti filiallariga suyultirilgan gaz mahsuloti kelishilgan jadvallar asosida 249,6 ming tonna (o‘sish surati 102,4 foiz) yetkazib berildi.
Xususan, aholi va kommunal soha obyektlarini suyultirilgan gazga bo‘lgan ehtiyojini qondirishga qaratilgan ushbu loyihalar natijasida gazni qayta ishlash zavodlaridagi gaz tarkibidan propan-butan aralashmalari ajratib olish qurilmalarining quvvatlari oshirilmoqda.
2019—2022-yillarda aholining maishiy ehtiyoji va ijtimoiy soha obyektlari uchun “Hududgazta’minot” AJning hududiy gaz ta’minoti filiallariga yetkazib berilgan suyultirilgan gaz miqdorlari tahlili quyidagilarni tashkil etadi.
“O‘zbekneftgaz” AJning boshqarma va korxonalari tomonidan suyultirilgan gaz ishlab chiqarish quvvatlarini yanada oshirish va Respublikaning barcha turdagi iste’molchilariga belgilangan miqdorlarda uzluksiz yetkazib berish bo‘yicha tizimli ishlar olib borilmoqda.
“O‘zbekneftgaz” AJ matbuot xizmati
Izoh (0)