«ПСЖ» ва Маурисио Почеттино шартномани бекор қилиш борасида келишиб олди, дея хабар қилмоқда The Athletic.
Ўтган ҳафтада мутахассис 2021/22 йилги мавсумни таҳлил қилиш учун «ПСЖ» раҳбарияти билан учрашган. Суҳбат давомида томонлар ўзаро келишувга кўра шартномани бекор қилиш тўхтамига келган. Мураббий ҳам, парижликлар раҳбарияти ҳам бу энг тўғри қарор деган хулосага келган.
Аввалроқ «ПСЖ» Почеттинони истеъфога чиқарган тақдирда мутахассис ва унинг штабига 20 миллион евро миқдорида компенсация тўлаб бериши айтилганди.
Аргентиналикнинг «ПСЖ» билан амалдаги шартномаси 2023 йилнинг ёзига қадар мўлжалланган.
Бир неча кун аввал Зинедин Зидан «ПСЖ»га бош мураббий бўлиши, томонлар бу борада келишувга эришгани хабар қилинганди.
Изоҳ (0)