Sirdaryo viloyatida o‘z tanishini fohishalik uchun xorijga yuborayotgan shaxs qo‘lga olindi, deya xabar qilmoqda viloyat IIB axborot xizmati.
Sirdaryo viloyati IIB Terrorizm va ekstremizmga qarshi kurashish boshqarmasi Odam savdosi va noqonuniy migratsiyaga qarshi kurashish bo‘limi hamda DXX Sirdaryo viloyati boshqarmasi bilan hamkorlikda Guliston shahrida yashovchi M. ismli ayol qizlarni Toshkent shahriga fohishalik ishlariga jalb etib, shundan so‘ng Turkiya davlatiga fohishalik bilan shug‘ullanishga yuborayotgani yuzasidan ma’lumot olinib, mazkur ma’lumot asosida tezkor tadbir o‘tkazildi.
Tezkor tadbirda Guliston shahrida yashab kelayotgan fuqaro J.M. o‘zining tanishi Yangiyer shahrida yashab kelayotgan fuqaro M.A.ni aldov yo‘li bilan Toshkent shahrida fohishalik ishlariga jalb etgan. So‘ngra tanishlari orqali Turkiya davlatiga fohishalik bilan shug‘ullanishga yubormoqchi bo‘lgan vaqtda tadbir ishtirokchilari tomonidan qo‘lga olingan.
Mazkur holat yuzasidan fuqaro J.M.ga nisbatan Jinoyat kodeksining 135-moddasi, 2-qismi “e” bandi (bir guruh shaxslar tomonidan oldindan til biriktirib sodir etilgan odam savdosi) bilan jinoyat ishi qo‘zg‘atilib hozirda tergov harakatlari olib borilmoqda.
Izoh (0)