Qoraqalpog‘istonning Beruniy tumanida alkogol mahsulotlarini ishlab chiqarayotgan yashirin sex fosh etildi, deb xabar bermoqda Iqtisodiy jinoyatlarga qarshi kurashish departamenti.
Qayd etilishicha, Bosh prokuratura huzuridagi departamentning Beruniy tuman bo‘limi va IIB xodimlari hamkorlikda tezkor tadbir o‘tkazgan. Unda fuqaro U.G. o‘z uyida yashirin sex tashkil qilib, qalbaki aksiz markali alkogol mahsulotlarini ishlab chiqarayotgani aniqlangan. Tadbir davomida ushbu xonadondan 4 861 dona qalbaki aksiz marka, 403 dona “Qaratau” nomli qo‘lbola usulda tayyorlangan alkogol mahsuloti, hajmi 1 litr idishdagi 191 dona spirt, shtrix kodli yorliqlar va ishlab chiqarishda foydalanilgan boshqa tovar moddiy boyliklar ashyoviy dalil sifatida olingan.
Holat yuzasidan Jinoyat kodeksining 176-moddasi (qalbaki pul, aksiz markasi yoki qimmatli qog‘ozlar yasash, ularni o‘tkazish) bilan jinoyat ish qo‘zg‘atilgan. Hozirda tergov harakatlari o‘tkazilmoqda.
Mavzuga doir:
- Marg‘ilonda qo‘lbola gaz yondirgichlar orqali ohak ishlab chiqarish bilan shug‘ullangan yashirin sex aniqlandi
- Surxondaryoda qalbaki “Al-Hadaya” va “Androgard” mahsulotlarini tayyorlab, 40 mln so‘mga sotgan fuqaro ushlandi
- Samarqandda qo‘lbola usulda spirtli ichimliklar ishlab chiqaruvchi yashirin korxona fosh etildi
Izoh (0)