Қорақалпоғистоннинг Беруний туманида алкоголь маҳсулотларини ишлаб чиқараётган яширин цех фош этилди, деб хабар бермоқда Иқтисодий жиноятларга қарши курашиш департаменти.
Қайд этилишича, Бош прокуратура ҳузуридаги департаментнинг Беруний туман бўлими ва ИИБ ходимлари ҳамкорликда тезкор тадбир ўтказган. Унда фуқаро У.Г. ўз уйида яширин цех ташкил қилиб, қалбаки акциз маркали алкоголь маҳсулотларини ишлаб чиқараётгани аниқланган. Тадбир давомида ушбу хонадондан 4 861 дона қалбаки акциз марка, 403 дона «Қаратау» номли қўлбола усулда тайёрланган алкоголь маҳсулоти, ҳажми 1 литр идишдаги 191 дона спирт, штрих кодли ёрлиқлар ва ишлаб чиқаришда фойдаланилган бошқа товар моддий бойликлар ашёвий далил сифатида олинган.
Ҳолат юзасидан Жиноят кодексининг 176-моддаси (қалбаки пул, акциз маркаси ёки қимматли қоғозлар ясаш, уларни ўтказиш) билан жиноят иш қўзғатилган. Ҳозирда тергов ҳаракатлари ўтказилмоқда.
Мавзуга доир:
Изоҳ (0)