Toshkent shahar Mirzo Ulug‘bek tumanida 10-iyun kuni ko‘p qavatli uyda yong‘in sodir bo‘ldi. Bu haqda Favqulodda vaziyatlar vazirligi xabar qildi.
Qayd etilishicha, shu kuni soat 15:20 larda Mirzo Ulug‘bek tumani Lashkar ko‘chasida joylashgan ko‘p kvartirali uy xonadonlarining birida yong‘in sodir bo‘layotgani to‘g‘risida shahar FVBga xabar kelib tushgan. Shunga ko‘ra, 4 ta yong‘in-qutqaruv ekipaji soat 15:26 da voqea joyiga yetib borgan. Yong‘in soat 15:30 da qurshab olingan va soat 15:39 da o‘chirilgan.
Yong‘inda ko‘p kvartirali uy yuqori qavati yo‘lagida uy jihozlari yonib zararlangan. Qutqaruvchilar tomonidan ikki nafar fuqaroning hayoti saqlab qolingan.
Hodisa oqibatida tan jarohati olgan va halok bo‘lganlar yo‘q. Hozirda yong‘inning kelib chiqish sababi va moddiy zarar miqdori aniqlanmoqda.
Avvalroq Buxoroda yonayotgan uydan fuqaro qutqarib qolingani, Toshkentda IIB xodimi yong‘in bo‘layotgan uyda qolib ketgan kasal ayolning hayotini saqlab qolgani haqida xabar berilgandi.
Izoh (0)