Bugun,

  • USD 11095.31
  • RUB 173.84
  • EUR 10772.44

Ma’lumki, Jonni Depp va Ember Xyord o‘rtasidagi shov-shuvli sud jarayoni bir necha kun avval yakuniga yetdi. Ko‘pchilik kutganidek, aktrisa tuhmat qilganlikda ayblanib, 10 million dollar va yana jarima sifatida 5 million dollar to‘lashi kerakligi ayon bo‘ldi. Ammo “Akvamen” yulduzining advokatlari Ember Xyordda bunday mablag‘ yo‘qligini ta’kidlamoqda. Mish-mishlarga ko‘ra, Ember tez orada kasodga uchraganlik to‘g‘risida ariza bermoqchi, deb yozadi Grazia.

Foto: Grazia

Foto: Grazia

Sud jarayoni ancha uzoq davom etgani sababli, Jonnining advokatlari ham yetarlicha mashhurlikka erishdi. Kamilla Vaskes va Benjamin Chu Amerika televideniyesida ko‘rinish berib, ishga yollovchining his-tuyg‘ulari haqida gapirib bergan. Ularning so‘zlariga ko‘ra, so‘nggi olti yil ichida aktyor hech qachon bunchalik baxtli bo‘lmagan.

Bundan tashqari, advokatlar Emberning Jonni faqat o‘zining obro‘si va mashhurligi tufayli sudda g‘alaba qozongani haqidagi so‘zlarini rad etgan. “Xyord xonim hakamlar hay’atini yoqtirmadi, chunki u janob Deppdan farqli o‘laroq, o‘z mas’uliyatini tan olishga tayyor emas edi”, — deb ta’kidladi advokatlar.

Shuningdek, ular aktyor sobiq rafiqasi to‘lashi kerak bo‘lgan puldan voz kechishi mumkinligini qo‘shimcha qildi. “Albatta, biz buni to‘liq ishonch bilan ayta olmaymiz, lekin janob Depp uchun hozirgi jarayon faqat boyish bilan emas, balki obro‘-e’tiborni tiklash bilan bog‘liq”, — deya qo‘shimcha qildi Vaskes.

Eslatib o‘tamiz, sud jarayoni boshlanganidan beri reklamasida Jonni Depp suratga tushgan Dior Sauvage’ga talab deyarli ikki baravar oshgan.

Izoh
Asosiy yangiliklar
Dunyo
Prigojin Rossiya Mudofaa vazirligi “Vagner”chilarning Baxmutdan chiqish yo‘lini minalab tashlaganini aytdi
Mahalliy
“Suriyada to‘rtta o‘q yedim” — terrorizmda ayblanib, tergov qilinayotgan o‘zbek yigiti pushaymonlari (video)
Mahalliy
“Amudaryo o‘zanida yangi kanal qurilishi oqibatida mamlakatimizga keladigan suv hajmi kamayishi xavfi mavjud” — Suv xo‘jaligi vazirligi