Instagram: Yangi mashinali bo‘lgan Avaz Oxun, Durdona Qurbonovaning YPX xodimlariga sovg‘asi, kasbini o‘zgartirishga urinib ko‘rgan Jahongir Poziljonov

Jahon va o‘zbek shou-biznesi vakillarining Instagram sahifalariga joylashtirilgan qiziqarli foto va videolarini e’tiboringizga havola etamiz.

Turkiyalik taniqli aktyor Burak O‘zchivit kuzatuvchilariga yangi “do‘sti” haqida so‘zlab berdi.

Shohruhxon yangi qo‘shig‘iga olinayotgan klip syomkasidan video joyladi.

Jahongir Xo‘jayev shakar va non narxi oylikdan ham oshib borayotgani aks etgan suratni sahifasiga joyladi.

Ayni paytda Tojikistonda bo‘lib turgan Yulduz Usmonova sozandalari bilan turkiyalik kulib turuvchi oshpaz Burakning Dushanbedagi restoraniga bordi. Ammo u yerda Burak yo‘q edi. Sozandalar mashhur oshpazning yo‘qligini bildirmay, restoran mehmonlari uchun shou-tomosha tashkillashtirdi

Ra’no Shodiyeva qizi Raxshona bilan tushgan suratini sahifasiga joyladi.

“Yur muhabbat” serialida Ulug‘bek Qodirovning partnyorini ijro etayotgan Aziza Xalilova muxlislariga serial epizodlari qanday suratga olinishi haqida so‘zlab berdi.

Oshqozon kichraytirish operatsiyasidan keyin bir necha kilo vazn tashlagan Zuhra Soliyeva sahifasiga yangi surat joyladi.

Jahongir Poziljonov akasi bosh oshpaz bo‘lib ishlayotgan restoranga ishga o‘tmoqchi bo‘lgani, ammo go‘shtni kuydirib yuborgani hamda akasidan tanbeh eshitgani aks etgan kulgili videoni sahifasiga joyladi.

Shahlo Ahmedova ham folloverlariga yangi surat bilan ko‘rinish berdi.

Aktrisa Durdona Qurbonova jaziramada ko‘chada o‘z xizmat faoliyatini olib borayotgan YPX xodimlariga minnatdorchilik tariqasida suv ulashdi.

San’atni tark etgan xonanda Faridam Madinaga bir marta borgan odam ushbu shaharga oshiq bo‘lishi haqida mulohaza yuritdi.

Qiziqchi Avaz Oxun kuzatuvchilariga yangi avtomobil sotib olgani haqida ma’lumot berdi.