Turk kinosining turmush qurgan va bir-biriga ko‘ngil qo‘ygan juftliklari (foto)

Seriallarda suratga tushadigan aktyorlar tinimsiz mehnat qiladi, chunki har bir serialni suratga olish uchun ko‘p vaqt ketadi. Yangi serialni namoyishga tayyorlash uchun ular kuniga taxminan 17 soatga yaqin vaqtni suratga olish maydonchasida o‘tkazishlari kerak. Bunday tig‘iz ish jadvaliga qaramay, ularning shaxsiy hayoti to‘xtab qolmaydi.

O‘zge Kaya va Burak Serdar Sanal

O‘zge va Burak 2019-yilda “Hech kim bilmaydi” serialining suratga olish jarayonida tanishgan. Avvaliga gazetalar yoshlarning birgalikda tushgan fotosuratlari bilan to‘ldi. Keyinchalik ularning munosabatlariga bo‘lgan qiziqish susaydi. Ammo aktyorlar bugungacha uchrashishda davom etmoqda.

O‘zge Kaya hozirda “Uch opa-singil” serialida Berkan Guven bilan Turkanning opasi rolida o‘ynamoqda.

Yigit Kochak va Berfe Sanjak

Yigit Kochak Turkiya milliy atletika jamoasi sportchisi Befre Sanjak bilan uchrashadi. Juftlik munosabatlarini ovoza qilishni yoqtirmaydi va o‘z sevgilarini begona ko‘zlardan asrashni afzal ko‘radi.

Yigit hozirda “Aka-singillarim” serialida O‘mer rolini ijro etmoqda. Befre Sanjak ismi “Ah, qayerda” loyihasining aktyorlari tarkibida uchraydi. Ehtimol, taniqli model va sportchi o‘zini aktrisa sifatida sinab ko‘rishga qaror qilgandir?

Go‘zje Turker va Anil Guler

Go‘zje Turker “Aka-singillarim” serialida 3 mavsum davomida pul, boylik va ijtimoiy mavqega berilib ketgan Harika rolini o‘ynadi. U qashshoq hayotdan qutulish uchun ukasi Omerning pullarini o‘g‘irlaydi va yangi hayot boshlash uchun ona shahrini tark etadi.

Suratga olish jarayonida aktrisa Anil Gulerga turmushga chiqdi, to‘y 2021-yil 19-iyun kuni bo‘lib o‘tdi.

Ipek Karapinar va Jan Yujel

Ipek Karapinar — “Afsona” serialidagi mashhur Cho‘lponxon obrazini yaratadi. Serialning suratga olish jarayoni uzoq davom etdi va u ham ikkinchi mavsumga uzaytirildi. Mazkur film aktrisaga xalqaro shuhrat keltirgan muvaffaqiyatli loyiha hisoblanadi.

Ammo shaxsiy hayotida aktrisa bundan-da, baxtli uning hayotida sevgan odami — Jan Yujel bor.

Simay Barlas va Soner Qo‘rqmaz

Simay Barlas — yosh aktrisa, hozirda uning karyerasi juda muvaffaqiyatli rivojlanmoqda. “Zolim Istanbul” serialidagi ko‘zga ko‘ringan rol, “Aziz” serialidagi bosh rolni ijro etdi. Shuningdek, suratga olish ishlari tugagach, Murat Yildirim aktrisani o‘zining yangi loyihasiga hamkor sifatida taklif qildi.

Simay esa sportchi Soner Qo‘rqmaz bilan 6 oydan beri uchrashadi.

Arda Anarat va Yag‘mur Yildiz

Arda Anarat endigina 23 yoshda bo‘lsa-da, uning filmografiyasida allaqachon 14 ta loyiha mavjud. U ilk bor 12 yoshida “Muhtasham yuz yil” serialida rol ijro etgan. U band bo‘lishiga qaramay, bir nechta teleshoularda ishtirok etishgaga muvaffaq bo‘ldi, sport va ijtimoiy faoliyatni ham unutmaydi.

Hozirda “Kelishuv” serialida Chinor rolida o‘ynadi, shaxsiy hayotida esa Yag‘mur Yildiz ismli sevgilisi bor.

Tolga Saritash va Zeynep Mayruk

Tolga Saritash va dizayner Zeynep Mayruk 3 yildan beri birga. Ba’zi ma’lumotlarga ko‘ra, Tolga qizning qo‘lini so‘ragan, yoshlarning oilalari uchrashgan, ammo rasmiy unashtiruv bo‘lmagan. To‘y yozga rejalashtirilgan.

Hozir Tolga keyingi mavsum uchun uzaytirilishi mumkin bo‘lgan “Ota” serialida suratga tushmoqda. U barcha oila a’zolariga g‘amxo‘rlik qiladigan mehribon o‘g‘il Qodir rolini o‘ynaydi.

Selim Bayrakdar  va Emel Karako‘z

Selim Bayrakdar ancha yillar avval turmush qurgan va turmush o‘rtog‘i Bihter bilan iliq va ishonchli munosabatlarga ega edi. Selim va Bihter farzand ko‘ra olmagan, shuning uchun nikohlari buziladi. Bundan tashqari, aktyorning hayotida yana bir ayol paydo bo‘ladi. 45 yoshida o‘zidan 10 yosh kichik Emel Karako‘z bilan tanishadi.

Hozir aktyor “Afsona” serialida suratga tushmoqda, filmda u Alpagu Xon rolini ijro etmoqda.

Ezgi Mola va Mustafa Aksakalli

Juftlik bir necha yildan beri uchrashadi, turmush qurishni ham rejalashtirgan, ammo Ezgi hozirda “Begunohlar uyi” filmi bilan bir vaqtda Netflix loyihasi uchun suratga tushmoqda, shuning uchun to‘yni keyinga qoldirishga to‘g‘ri keladi.

Merich Aral va Serkan Keskin

Turkiyalik aktyor, rejissor va musiqachi Serkan Keskin va Merich Aral anchadan beri uchrashib yuradi. O‘rtalaridagi yosh farqi 11 yil. Hozirda Merik “Taqdirimning o‘yini” teleserialida o‘ynamoqda. Serkan esa 61 ta loyihada ishtirok etgan.

Hafnasur Sanjaktutan va Deniz Jan Aktash

Ular ilk marotaba suratga olish maydonchasida tanishgan, o‘shanda juftlik “Sevgi yig‘lashga majbur qiladi” filmida birga rol o‘ynagan. Shundan beri aktyorlar birga.

Hozirda Hafnasur raqamli platforma uchun “Dunyo va mening o‘rtamda” serialida suratga tushish bilan band, Deniz esa “Shaharlik tabib” serialida ishtirok etmoqda, shuningdek, Turkiyaning Exxen raqamli platformasi uchun Jemre Baysal bilan birgalikda mini-loyihada ishtirok etmoqda.