Toshkent viloyati Ohangaron shahrida 9-iyun kuni haydovchilik guvohnomachini olish uchun “Toshkent viloyati imtihon markazi” innovatsion imtihon markazi ochildi. Bu haqda “Daryo” muxbiri xabar bermoqda.
Qayd etilishicha, markaz har kuni nazariy imtihon topshirishni istagan 600 nafardan ortiq nomzodni va haydash mahorati bo‘yicha imtihon topshirishni istagan 250 nafar kishini qabul qilish imkoniyatiga ega. Markazda amaliy imtihonni topshirish uchun uchta maydonga bo‘lingan avtodrom mavjud.
“Toshkent shahrida imtihon bilan bog‘liq korrupsiya holatlari nolga tenglashtirildi. Turli qo‘ng‘iroqlar, tanish-bilishchilik hammasi nolga tenglashtirildi. Toshkent shahrida bugun faqatgina bilimi borlar haydovchilik guvohnomasini olyapti”, — deydi Komil Allamjonov.
Uning aytishicha, buyog‘iga Toshkent viloyatida ham haydovchilik guvohnomasini olish bilan bog‘liq qo‘ng‘iroq va tanish-bilishchilik holatlari nolga tenglashtiriladi.
Mavzuga doir:
- Toshkent imtihon markazi narxlarni 50 foizga oshirdi. Bunga valyuta kursining keskin o‘zgarishi sabab qilib ko‘rsatilgan
- Komil Allamjonov haydovchilik guvohnomasini olish tizimi ustidan jamoatchilik nazorati nima uchun muhimligini tushuntirib berdi (video)
- “Bu monopoliya emas”. Komil Allamjonov Yagona imtihon markazi o‘ziga tegishli ekanini ma’lum qildi
Izoh (0)