Sirdaryo viloyati Sayxunobod tumanida tadbirkordan pora talab qilgan mansabdor ushlandi, deb xabar bermoqda Iqtisodiy jinoyatlarga qarshi kurashish departamenti.
Qayd etilishicha, Bosh prokuratura huzuridagi departamentning Sirdaryo viloyati boshqarmasi tomonidan DXXning Guliston shahar bo‘linmasi bilan hamkorlikda tezkor tadbir o‘tkazilgan. Unda Sayxunobod tumani Elektr ta’minoti korxonasi boshlig‘i o‘rinbosari G‘.N. (muqaddam Jinoyat kodeksining 167 (o‘zlashtirish yoki rastrata yo‘li bilan talon-toroj qilish) va 205-moddalari (hokimiyat yoki mansab vakolatini suiiste’mol qilish) bilan sudlangan) “S.X.” MCHJ rahbariga umumiy ovqatlanish maskanida o‘tkazilgan tekshirishda aniqlangan 21 million so‘m zararni bazaga kiritmaslik masalasini hal qilib berishni aytgani aniqlangan.
U evaziga MCHJ rahbari Sh.dan 7 million so‘m pora talab qilib, shundan 1 million so‘mini qo‘lga kiritgan. Qolgan 6 million so‘mini Sayxunobod tuman ETK ma’muriy binosida olgan vaqtida ashyoviy dalillar bilan ushlangan.
Holat yuzasidan Jinoyat kodeksining 210-moddasi (pora olish) bilan jinoyat ishi qo‘zg‘atilgan. Hozirda tergov harakatlari o‘tkazilmoqda.
Mavzuga doir:
Izoh (0)