Tashqi ishlar vaziri vazifasini bajaruvchi Vladimir Norov 9-iyun kuni Vyetnamning favqulodda va muxtor elchisi (qarorgohi Moskva shahrida) etib tayinlangan Dang Min Kxoyni qabul qildi. Bu haqda Tashqi ishlar vazirligi xabar qildi.
Qayd etilishicha, Norov elchining lavozimiga tayinlangani munosabati bilan ishonch yorliqlarini qabul qilib olgan. Suhbat chog‘ida O‘zbekiston—Vyetnam munosabatlarini rivojlantirishning dolzarb masalalari ko‘rib chiqilgan. Tomonlar siyosiy, savdo-investitsiyaviy, madaniy-gumanitar sohalardagi aloqalarni faollashtirishga tayyor ekani tasdiqlangan.
Avvalroq O‘zbekiston Kanada bilan Toshkentda viza markazini ochish masalasini muhokama qilgani, Vladimir Norov AQSHning Afg‘oniston bo‘yicha maxsus vakili bilan uchrashgani haqida xabar berilgan.
Izoh (0)