“Biz har kuni yuzdan ortiq jangchimizni yo‘qotyapmiz” — Ukraina mudofaa vaziri Donbassdagi janglar haqida

Ukraina mudofaa vaziri Oleksiy Reznikov Donbassdagi jangovar zonada ko‘rilayotgan Ukraina qurolli kuchlarining yo‘qotishlari haqida ma’lum qildi.

“Frontda vaziyat og’ir. Biz har kuni yuz nafargacha askarimizni yo‘qotyapmiz, besh yuzdan ziyod askar esa yarador bo‘lmoqda”, — deb yozdi Reznikov Facebook’da.

Uning so‘zlariga ko‘ra, rus armiyasi “ommaviy bosimni davom ettirmoqda, oldinga siljiyapti, biroq kuchli qarshilikka duch kelmoqda, katta yo‘qotishlarga uchramoqda, ammo hozirgacha frontning ma’lum qismlarida oldinga siljish uchun yetarli kuchga ega”.

Reznikov keltirgan qurbonlar soni Ukraina prezidenti Vladimir Zelenskiyning 1-iyun kuni Donbassdagi janglarda har kuni 60-100 nafar ukrainalik askari halok bo‘lib, 500 ga yaqini yaralanayotgani aytgan avvalgi hisob-kitoblariga mos keladi.

Reznikov harbiy yo‘qotishlar haqida xabar bergan postning asosiy mavzusi Ukrainaga boshqa davlatlardan qurol yetkazib berish bo‘lgan. Xususan, Ukraina mudofaa vaziri Polshaning 155 mm kalibrli “Qisqichbaqa” o‘ziyurar gaubitsalari janglarda foydalanishga tayyorligini ma’lum qilgan.