Saudiya Arabistoni podshohligi sovg‘a tariqasida O‘zbekistonga oliy navli xurmolar taqdim etdi

7-iyun, seshanba kuni Saudiya Arabistoni podshohligi tomonidan O‘zbekiston Respublikasiga sovg‘a sifatida taqdim etilgan xurmoni topshirish marosimi bo‘lib o‘tdi.

Marosimda Ikki muqaddas masjid xodimining O‘zbekiston Respublikasidagi elchisi Yusuf bin Solih al-Gahra al-Utaybiy podshoh Salmon nomidagi yordam va insonparvarlik ishlari markazi delegatsiyasi a’zolari bilan qatnashdi.

Shuningdek, marosimda O‘zbekiston musulmonlari idorasi raisining birinchi o‘rinbosari Homidjon Ishmatbekov, O‘zbekiston Respublikasi Vazirlar Mahkamasi huzuridagi Din ishlari bo‘yicha qo‘mita raisining birinchi o‘rinbosari Davronbek Maxsudov, Islom sivilizatsiya markazi direktorining o‘rinbosari Firdavs Halimov, “Vaqf” xayriya jamoat fondi boshqaruv kengashi raisi vazifasini bajaruvchi Muzaffar Salomov ishtirok etdilar.

Tadbir mobaynida Homidjon Ishmatbekov Saudiya Arabistoni podshohligi hukumati va Podshoh Salmon nomidagi yordam va insonparvarlik ishlari markaziga sovg‘a uchun minnatdorchilik bildirib, uning birinchi marotaba taqdim etilmayotgani va bunday xayriya ishlari o‘zbek-saudiya aloqalari ramzi ekanini ta’kidladi.

O‘z tomonidan elchi O‘zbekiston Respublikasi prezidenti Shavkat Mirziyoyevning turli sohalarda saudiya-o‘zbek aloqalari rivojlanishida tutgan muhim o‘rnini ko‘rsatib o‘tdi.

Xususan, so‘nggi ikki yilda ikki mamlakat o‘rtasidagi munosabatlar sezilarli darajada rivojlanganini bildirdi.