O‘zbekiston 2021-yil yakuniga ko‘ra World Justice Project’ning Qonun ustuvorligi indeksida 85-o‘rinni egalladi. Bu haqda Telegram’dagi “Nigoh” kanali xabar qildi.
Indeksga ko‘ra, O‘zbekistonda qonun ustuvorligi umumiy reytingi 4,1 foizga oshgan. Respublikada kuzatilayotgan ijobiy tendensiyalar qatorida hukumat vakolatlarining cheklanishi, korrupsiyaga qarshi kurash va davlat organlari faoliyatining ochiqligi qayd etilgan.
Qayd etilishicha, O‘zbekiston 2021-yilda ko‘rsatkichlarni yaxshilash bo‘yicha yetakchi bo‘lgan.
Mamlakat avvalgi yillardagi reytingda quyidagi pog‘onalarni egallagandi:
- 2018-yil — 91;
- 2019-yil — 92;
- 2020-yil — 94;
- 2021-yil — 85.
Ma’lumot uchun, WJP indeksi 8 ta faktor bo‘yicha aniqlanadi:
- hukumat vakolatlari cheklanganligi;
- korrupsiyaga qarshi kurash;
- shaffof boshqaruv;
- inson huquqlari;
- qonun ustuvorligi va xavfsizlik;
- huquqlardan foydalana olish;
- fuqaroviy sud tizimi;
- jinoiy ish yuritish.
Mavzuga doir:
Izoh (0)