Toshkent viloyati, Angren shahri, Dukent hududida joylashgan “Mirzo Ulug‘bek” mahalla fuqarolar yig‘inidagi xonadonlardan birida uch millioninchi gaz hisoblagichi o‘rnatildi. Ushbu xonadonda Valentina Shushkanova va uning oilasi yashaydi. “Hududgazta’minot” AJ, “Texnopark” MChJ, Italiyaning Pietro Fiorentini kompaniyasi va OAV vakillari ularni shu munosabat bilan samimiy tabriklab, gaz ta’minoti tizimi jamoasi va “aqlli hisoblagich”lar ishlab chiqaruvchilari nomidan zamonaviy gaz plitasi, muzlatkichni sovg‘a sifatida taqdim etishdi.
“Hududgazta’minot” AJ va “Texnopark” MChJ uchun har bir millioninchi gaz hisoblagichi o‘rnatilishini nishonlash yaxshi an’anaga aylangan. Bundan bir yil avval Toshkentning Yunusobod tumanidagi Iftixor ko‘chasida yashovchi Mashhura Mirzoxodjayevaning uyiga millioninchi “aqlli hisoblagich” o‘rnatilgan edi. Shunday qisqa vaqt ichida gaz ta’minoti tizimi xodimlari o‘z rekordlarini o‘rnatishga muvaffaq bo‘lishdi — yana ikki millionta gaz hisoblagichlari o‘z manzilini topdi.
“Gaz hisobini nazorat qilishning avtomatlashtirilgan tizimi” loyihasini amalga oshirishga minglab tizim mutaxassislari jalb qilingan. Ular bor kuch va g‘ayratlarini ayamasdan, GHNQAT tizimining samaradorligini amalda namoyish qilish va mamlakatimiz aholisini tabiiy gaz bilan uzluksiz ta’minlash uchun har kuni barcha imkoniyatlarini ishga solmoqdalar.
Angren shahri, Dukent qo‘rg‘oni “Mirzo Ulug‘bek” mahallasining uylardan birida 3 millioninchi Osten gaz hisoblagich moslamasi o‘rnatilgani ramziy ma’noga ega. Shu kunlarda ushbu hududga tabiiy gaz yetkazib berildi, shuning uchun bunday tadbir aholi uchun alohida ahamiyat kasb etadi. Chunki shu kungacha ko‘p qavatli uylarni va suvni isitish uchun foydalanilgan, suyultirilgan gaz maxsus gaz idishlariga — gazgolderlarga solib ishlatilgan. Yashovchilarning aytishlariga ko‘ra, kimdir yoqilg‘ini katta hajmda ishlatgan, kimgadir gaz umuman yetmay qolardi, to‘lov esa barchadan teng ulushlarda olingan. Shuning uchun gaz yetkazib beruvchilar va iste’molchilar o‘rtasida anglashilmovchiliklar yuzaga kelgan. Endi bularning barchasi o‘tmishda qoldi.
“Hududgaz Toshkent” filiali ma’lumotiga ko‘ra, shu kunlarda “Obod mahalla” dasturi doirasida Dukentgacha 4,5 kilometr uzunlikdagi gaz quvuri o‘tkazildi. Natijada “Mirzo Ulug‘bek”, “Navbahor”, “Obod” va “Zarbuloq” mahalla fuqarolar yig‘inlaridagi 96 ta ko‘p qavatli uylarning 2400 ta xonadoni tabiiy gaz bilan ta’minlandi. Hozirgi vaqtda ularga 1900 ta Osten gaz hisoblagichlari o‘rnatilgan. Bu jarayon davom etmoqda.
Bugungi kunda GHNQAT tizimi mamlakat iste’molchilarining 85 foizdan ko‘prog‘ini qamrab olgan. Tabiiy gazni aniq hisobga olish va o‘z vaqtida to‘lovlarni amalga oshirish fuqarolarning energiya manbalariga bo‘lgan munosabatini o‘zgartirmoqda. Hozirda aholining aksariyat qismi nostandart gaz uskunalaridan foydalanishni rad etib, zamonaviy energiya tejaydigan texnologiyalardan foydalanishga o‘tmoqda. Bu esa o‘z navbatida avvallari bunday sharoitlar haqida faqat orzu qilgan odamlar xonadonlariga ham tabiiy gaz olib kelishiga imkon bermoqda va ularning orzulari haqiqatga aylanmoqda.
Reklama huquqi asosida.
Izoh (0)