Тошкент вилояти, Ангрен шаҳри, Дукент ҳудудида жойлашган «Мирзо Улуғбек» маҳалла фуқаролар йиғинидаги хонадонлардан бирида уч миллионинчи газ ҳисоблагичи ўрнатилди. Ушбу хонадонда Валентина Шушканова ва унинг оиласи яшайди. «Ҳудудгазтаъминот» АЖ, «Технопарк» МЧЖ, Италиянинг Pietro Fiorentini компанияси ва ОАВ вакиллари уларни шу муносабат билан самимий табриклаб, газ таъминоти тизими жамоаси ва «ақлли ҳисоблагич»лар ишлаб чиқарувчилари номидан замонавий газ плитаси, музлаткични совға сифатида тақдим этишди.
«Ҳудудгазтаъминот» АЖ ва «Технопарк» МЧЖ учун ҳар бир миллионинчи газ ҳисоблагичи ўрнатилишини нишонлаш яхши анъанага айланган. Бундан бир йил аввал Тошкентнинг Юнусобод туманидаги Ифтихор кўчасида яшовчи Машҳура Мирзоходжаеванинг уйига миллионинчи «ақлли ҳисоблагич» ўрнатилган эди. Шундай қисқа вақт ичида газ таъминоти тизими ходимлари ўз рекордларини ўрнатишга муваффақ бўлишди — яна икки миллионта газ ҳисоблагичлари ўз манзилини топди.
«Газ ҳисобини назорат қилишнинг автоматлаштирилган тизими» лойиҳасини амалга оширишга минглаб тизим мутахассислари жалб қилинган. Улар бор куч ва ғайратларини аямасдан, GHNQAT тизимининг самарадорлигини амалда намойиш қилиш ва мамлакатимиз аҳолисини табиий газ билан узлуксиз таъминлаш учун ҳар куни барча имкониятларини ишга солмоқдалар.
Ангрен шаҳри, Дукент қўрғони «Мирзо Улуғбек» маҳалласининг уйлардан бирида 3 миллионинчи Osten газ ҳисоблагич мосламаси ўрнатилгани рамзий маънога эга. Шу кунларда ушбу ҳудудга табиий газ етказиб берилди, шунинг учун бундай тадбир аҳоли учун алоҳида аҳамият касб этади. Чунки шу кунгача кўп қаватли уйларни ва сувни иситиш учун фойдаланилган, суюлтирилган газ махсус газ идишларига — газгольдерларга солиб ишлатилган. Яшовчиларнинг айтишларига кўра, кимдир ёқилғини катта ҳажмда ишлатган, кимгадир газ умуман етмай қоларди, тўлов эса барчадан тенг улушларда олинган. Шунинг учун газ етказиб берувчилар ва истеъмолчилар ўртасида англашилмовчиликлар юзага келган. Энди буларнинг барчаси ўтмишда қолди.
«Ҳудудгаз Тошкент» филиали маълумотига кўра, шу кунларда «Обод маҳалла» дастури доирасида Дукентгача 4,5 километр узунликдаги газ қувури ўтказилди. Натижада «Мирзо Улуғбек», «Навбаҳор», «Обод» ва «Зарбулоқ» маҳалла фуқаролар йиғинларидаги 96 та кўп қаватли уйларнинг 2400 та хонадони табиий газ билан таъминланди. Ҳозирги вақтда уларга 1900 та Osten газ ҳисоблагичлари ўрнатилган. Бу жараён давом этмоқда.
Бугунги кунда GHNQAT тизими мамлакат истеъмолчиларининг 85 фоиздан кўпроғини қамраб олган. Табиий газни аниқ ҳисобга олиш ва ўз вақтида тўловларни амалга ошириш фуқароларнинг энергия манбаларига бўлган муносабатини ўзгартирмоқда. Ҳозирда аҳолининг аксарият қисми ностандарт газ ускуналаридан фойдаланишни рад этиб, замонавий энергия тежайдиган технологиялардан фойдаланишга ўтмоқда. Бу эса ўз навбатида авваллари бундай шароитлар ҳақида фақат орзу қилган одамлар хонадонларига ҳам табиий газ олиб келишига имкон бермоқда ва уларнинг орзулари ҳақиқатга айланмоқда.
Реклама ҳуқуқи асосида.
Изоҳ (0)