Internetda avtomobillar ustida o‘tkazilgan ko‘plab tajribalarga duch kelish mumkin. Ayrimlarida mashina detallari eng noodatiy usullar bilan mustahkamlik sinovidan o‘tkaziladi. Nissan 370Z egasi esa sportkarining old bamperini gazlangan ichimlik idishi yordamida sinovdan o‘tkazishga qaror qildi. Tajriba jarayoni kutilmagan bo‘lib chiqdi, deb xabar beradi Motor.
Tajriba davomida erkak gazlangan ichimlik metall bankasini old bamperning “lab” qismi ostiga qo‘yib, sportkar balandligini keskin tushirgan. Natijada poliuretandan ishlangan avtomobil detali deyarli “garmoshka”ga aylanib qolgan. Ichimlik idishiga esa hech narsa qilmagan. Tajribadan so‘ng, bamper dastlabki holatiga qaytarilgan.
Rolik ostidagi izohlarda qayd etilishicha, avtomobil kuzovi detallarida yuklama payti darz ketadigan shisha tolali elementlardan ko‘ra poliuretan materiallardan foydalanish ko‘plab ustunlikka ega. Bundan tashqari, foydalanuvchilar Nissan 370Z’ning “podveska”si ishining samaradorligini e’tirof etgan.
Bundan oldin Toyota krossoveri krash-testlardan a’lo darajada o‘tgani, Tesla Model 3 velosipedchi bilan to‘qnashuvning oldini olish testidan o‘ta olmagani to‘g‘risida xabar berilgandi.
Izoh (0)