Интернетда автомобиллар устида ўтказилган кўплаб тажрибаларга дуч келиш мумкин. Айримларида машина деталлари энг ноодатий усуллар билан мустаҳкамлик синовидан ўтказилади. Nissan 370Z эгаси эса спорткарининг олд бамперини газланган ичимлик идиши ёрдамида синовдан ўтказишга қарор қилди. Тажриба жараёни кутилмаган бўлиб чиқди, деб хабар беради Motor.
Тажриба давомида эркак газланган ичимлик металл банкасини олд бампернинг «лаб» қисми остига қўйиб, спорткар баландлигини кескин туширган. Натижада полиуретандан ишланган автомобиль детали деярли «гармошка»га айланиб қолган. Ичимлик идишига эса ҳеч нарса қилмаган. Тажрибадан сўнг, бампер дастлабки ҳолатига қайтарилган.
Ролик остидаги изоҳларда қайд этилишича, автомобиль кузови деталларида юклама пайти дарз кетадиган шиша толали элементлардан кўра полиуретан материаллардан фойдаланиш кўплаб устунликка эга. Бундан ташқари, фойдаланувчилар Nissan 370Z’нинг «подвеска»си ишининг самарадорлигини эътироф этган.
Бундан олдин Toyota кроссовери краш-тестлардан аъло даражада ўтгани, Tesla Модель 3 велосипедчи билан тўқнашувнинг олдини олиш тестидан ўта олмагани тўғрисида хабар берилганди.
Изоҳ (0)