Shavkat Mirziyoyev raisligida 7-iyun kuni o‘tkazilgan videoselektor yig‘ilishida auksionga taklif etilgan 45 mingta yerning 3 mingtasi kelishiladigan idoralar tomonidan qaytarilgani ko‘rsatib o‘tildi. Bu haqda prezident matbuot kotibi xabar qildi.
Qayd etilishicha, bunga asosiy sabab hududlarning bosh rejasi yoki arxitektura rejalashtirish loyihalarining yo‘qligi hisoblanadi. Shaharlarning bor-yo‘g‘i 30 foizida bosh reja, qishloqlarning 1 foizida arxitektura rejalashtirish loyihalari mavjudligi tanqid qilingan.
“Ochiq aytish kerak, shaharlarning bosh rejasini ishlab chiqishni davlat loyiha institutlari monopoliya qilib olgan. Investitsiya dasturlari doirasida davlat loyiha institutlariga har yili katta mablag‘lar ajratilyapti, lekin bironta tuman yoki shaharning bosh rejasi oxiriga yetkazilmagan. Narxlar ham chet ellik yoki xususiy loyiha tashkilotlari narxlariga nisbatan bir necha barobar qimmat.
Shu bois qurilish sohasini transformatsiya qilish bo‘yicha ham alohida muhokama o‘tkazaman”, — degan davlat rahbari.
Izoh (0)