Финляндиянинг Metso Outotec компанияси Олмалиқ кон-металлургия компанияси (ОКМК) билан асосий технологияларни етказиб бериш бўйича шартнома имзолади. Бу ҳақда Финляндия компанияси матбуот хизмати хабар бермоқда.
Қиймати 100 млн евродан ошадиган шартнома йилига 60 млн тонна қувватга эга мис-олтин-молибден мажмуаси учун мўлжалланган. Завод 2024 йилда қурилиши режалаштирилган қиймати 4,9 млрд долларлик «Ёшлик-1» кони ёнида жойлашган.
Келишув доирасида қайта силлиқлаш тегирмонлари, флотация ускуналари ва юқори тезликка эга қуюқлаштирувчи моддалар, кўпикли камералар, фильтрлар ва насослар етказиб берилади.
Metso Outotec бутун дунё бўйлаб агрегатлар, минераллар ва металлни қайта ишлаш саноати учун барқарор технологиялар, якуний ечимлар ва хизматлар бўйича етакчи компаниялардан ҳисобланади.
Бош қароргоҳи Хелсинкида (Финляндия) жойлашган Metso Outotec компанияси 50 дан ортиқ мамлакатда 15 мингдан ортиқ кишини иш билан таъминлайди. 2021 йил қиймати, тахминан, 4,2 млрд еврони ташкил этади. Компания Nasdaq Helsinki рўйхатига киритилган.
Аввалроқ Ўзбекистондаги энг йирик ташувчилардан бирининг хусусийлаштириш жараёни бошлангани ҳақида хабар берилган эди.
Изоҳ (0)