Yevropa top-5 ligalarining eng muvaffaqiyatli driblingchilari reytingi e’lon qilindi. G‘olib Mbappeni ortda qoldirdi

Goal sayti Yevropa top-5 ligalarida mavsumning eng yaxshi driblingchilari reytingini taqdim etdi.

Unga ko‘ra, “Nyukasl” yarim himoyachisi Allan Sen-Maksimen 150 ta muvaffaqiyatli dribling bilan ro‘yxatda birinchi o‘rinni egalladi. Fransiyalik futbolchi bu yo‘lda hamyurti Kilian Mbappe (“PSJ”, 112) va Adama Traoreni (“Vulverhempton”/“Barselona”, 107) ortda qoldirdi.

To‘rtinchi o‘rinni Rafael Leau (“Milan”, 98) qo‘lga kiritgan bo‘lsa, Vinisius Junior (“Real”, 95) kuchli beshlikka yakun yasab berdi.

Ma’lumot uchun, Allan Sen-Maksimen 2019-yildan beri “Nyukasl” sharafini himoya qilib kelmoqda. U ortda qolgan 2021/22-yilgi mavsumda APLda 35 o‘yin o‘tkazib, 5 ta gol urib, 5 ta golga mualliflik qildi.