Европа топ-5 лигаларининг энг муваффақиятли дриблингчилари рейтинги эълон қилинди. Ғолиб Мбаппени ортда қолдирди

Goal сайти Европа топ-5 лигаларида мавсумнинг энг яхши дриблингчилари рейтингини тақдим этди.

Унга кўра, «Ньюкасл» ярим ҳимоячиси Аллан Сен-Максимен 150 та муваффақиятли дриблинг билан рўйхатда биринчи ўринни эгаллади. Франциялик футболчи бу йўлда ҳамюрти Килиан Мбаппе («ПСЖ», 112) ва Адама Траорени («Вулверҳэмптон»/«Барселона», 107) ортда қолдирди.

Тўртинчи ўринни Рафаэл Леау («Милан», 98) қўлга киритган бўлса, Винисиус Жуниор («Реал», 95) кучли бешликка якун ясаб берди.

Маълумот учун, Аллан Сен-Максимен 2019 йилдан бери «Ньюкасл» шарафини ҳимоя қилиб келмоқда. У ортда қолган 2021/22 йилги мавсумда АПЛда 35 ўйин ўтказиб, 5 та гол уриб, 5 та голга муаллифлик қилди.