Lui van Gal boshchiligidagi Niderlandiya Millatlar Ligasining 1-turida Belgiya ustidan 4:1 hisobida g‘alaba qozondi.
Bu niderlandlar uchun XXI asrda Belgiya terma jamoasi ustidan qozonilgan ilk g‘alaba bo‘ldi. Jamoa so‘nggi bor 1997-yil sentabr oyida JCH—1998 saralash bosqichida Belgiyadan 3:1 hisobida ustun kelgandi.
Shundan buyon ushbu terma jamoalar 8 marta to‘qnash kelgan, 2 marta Belgiya g‘olib bo‘lgan bo‘lsa, qolgan 6 ta o‘yinda durang natija qayd etilgan.
Niderlandiya keyingi turda Uels maydoniga safar qiladi. Belgiya esa Polshani qabul qiladi. Har ikkala uchrashuv 8-iyun sanasiga belgilangan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)