“Liverpul” futbolchisi Sadio Mane jamoadan ketishi mumkinligiga ishora qildi.
30 yoshli yarim himoyachi onlayn ovoz berish natijalarida senegalliklarning 60—70 foizi uning Mersisayd klubidan ketishini istayotgani haqidagi savollarga javob berdi.
“Ular xohlagan narsani amalga oshiraman. Tez orada hammasi ma’lum bo‘ladi”, — dedi Sadio.
Avvalroq futbolchiga “Bavariya” qiziqish bildirayotgani xabar qilingandi. Keyinchalik esa futbolchi myunxenliklar bilan shaxsiy shartnoma borasida kelishib olgani ma’lum bo‘ldi.
Sadio Mane 2016-yildan buyon “Liverpul” sharafini himoya qilib keladi. U jamoa bilan birgalikda Chempionlar Ligasi, Angliya chempionati, Angliya Kubogi, Liga Kubogi, Yevropa Superkubogi va klublar o‘rtasidagi jahon chempionatida g‘alaba qozongan.
Senegallik futbolchi 2021/22-yilgi mavsumda “Liverpul” safida barcha musobaqalarda 51 ta o‘yinda ishtirok etib, 23 ta gol va 2 ta golli uzatmaga mualliflik qildi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)