Toshkent shahri Yunusobod tumanida 1-iyun kuni “Gazel” mashinasi piyodani urib yubordi. Bu haqda shahar Ichki ishlar bosh boshqarmasi xabar qildi.
Qayd etilishicha, yo‘l-transport hodisasi shu kuni soat 21:30 larda Yunusobod tumani Amir Temur ko‘chasida sodir bo‘lgan. Haydovchi I.Q. (1978-yilda tug‘ilgan) “Gazel” avtomashinasida harakatlanayotib tartibga solinmagan piyodalar o‘tish joyidan yo‘lni kesib o‘tayotgan piyodani urib yuborgan.
YTH oqibatida piyoda F.X. (1989-yilda tug‘ilgan) tan jarohatlari olib, kasalxonaga yotqizilgan.
Holat yuzasidan Toshkent shahar IIBB YHXB xodimlari tomonidan tergovga qadar tekshiruv o‘tkazilmoqda.
Avvalroq Qashqadaryoda Lacetti yo‘lni kesib o‘tayotgan velosipedchini urib yuborgani, Samarqandda Cobalt 16 yoshli piyodani urib, uchirib yuborgani, Samarqandda otasiga tegishli Lacetti’ni boshqargan 8-sinf o‘quvchisi urib yuborgan ikki kishidan biri vafot etgani haqida xabar berilgan.
Izoh (0)