Аввалроқ миллиардернинг SpaceX компанияси Украинага Starlink сунъий йўлдош интернетини қабул қилиш учун минглаб комплектларни топширган эди.
Tesla ва SpaceX асосчиси, миллиардер Илон Маск Tesla Powerwall қуёш электр станцияларини Украина касалхоналарига юборди. Бу ҳақда Украина рақамли трансформациялар вазири Михаил Федоров ўзининг Telegram каналида маълум қилди.
Яқинда Илон Маск бизга қуёш станцияларини топширди, улар ҳозирда Киэв вилоятидаги муҳим инфратузилма объектларининг ишлашини таъминламоқда. Электр энергияси билан боғлиқ муаммолар мавжуд ва Tesla Powerwall станциялари тиббий муассасаларга электр узилишлари вақтида захира қувват етказиб беради, — деб ёзган Федоров.
Tesla Powerwall литий-ионли аккумулятор бўлиб, у уйда фойдаланиш учун энергия ва асосий тармоқ ишламай қолганда захира қуввати билан таъминлайди.
Аввалроқ март ойининг охирида футболчи Дэвид Бекҳэм Instagram’даги саҳифасини вақтинча харковлик шифокор Ирина Кондратовага топширган эди.
Изоҳ (0)