Tesla kompaniyasi bosh direktori Ilon Mask kompaniyaning, taxminan, 10 foiz ish o‘rinini qisqartirishi kerak rahbarlarga ma’lum qildi. Bu haqda Reuters xabar bermoqda.
Tesla kompaniyasining bosh ijrochi direktori Ilon Mask seshanba kuni masofada ishlovchi xodimlarni ofisga qaytishi yoki ishdan ketishi kerakligini aytgan edi.
Dunyoning eng boy odami masofadan ishlashni xohlaydigan har bir kishi haftasiga kamida 40 soat ofisda bo‘lishi yoki ketishi kerakligini so‘ragan.
2021-yil oxiridagi ma’lumotlarga ko‘ra, Tesla va uning sho‘ba korxonalarida deyarli 100 ming kishi faoliyat olib borayotgan edi. Bundan kelib chiqadiki, 10 mingga yaqin odam ishdan bo‘shatilishi mumkin.
Tesla aksiyalari juma kuni AQSHning bozor oldi savdosida deyarli 3 foizga pastladi va uning Frankfurt ro‘yxatidagi aksiyalari Reuters xabaridan keyin 3,6 foizga tushdi.
Hozircha Tesla avtomobillari va boshqa elektr transport vositalariga talab kuchliligicha qolmoqda.
Kompaniya o‘zining Shanhaydagi zavodida ishlab chiqarishni to‘liq qayta boshlamoqchi. Xitoydagi zavodda pandemiya sababli uzilishlar kuzatilgandi.
Yaqinda bir nechta tahlilchilar Tesla avtomobillari uchun narxlarni pasaytirdi. Bundan tashqari ular Xitoyga elektr transport vositalarini yetkazib berish va eksport qilish markazi bo'lgan Shanxaydagi zavodda ishlab chiqarishni to‘xtatishni prognoz qilmoqda.
Tesla ma’lumotlariga ko‘ra, 2021-yilda kompaniya global yetkazib berishining uchdan bir qismidan ko‘prog‘i Xitoy hissasiga to‘g‘ri kelgan.
2-iyun kuni Daiwa Capital Markets Tesla’ning Xitoyda yetkazib berilishini kutayotgan 32 000 ga yaqin buyurtmalari borligini ma’lum qildi.
Izoh (0)