De Bryuyne, Mertens, Vitsel. Faoliyatini davom ettirayotgan qator belgiyalik futbolchilar murabbiylik litsenziyasini oldi

Bir qancha belgiyalik futbolchilar murabbiylik litsenziyalarini qo‘lga kiritdi.

Kevin de Bryuyne (“Manchester Siti”), Dedrik Boyata (“Herta”), Dris Mertens (“Napoli”), Simon Minyole (“Bryugge”), Yuri Tilemans (“Lester”), Dennis Prat (“Torino”), Mats Zels (“Strasbur”), Leandro Trossard (“Brayton”), Yan Vertongen (“Benfika”) va Aksel Vitsel (“Borussiya D”) kabi futbolchilar UEFA A litsenziyasiga ega chiqdi.

Qayd etish kerak, ularning barchasi ayni vaqtda futbolchilik faoliyatini davom ettirmoqda.

UEFA A litsenziyasini olgan murabbiylar havaskor klublar, yoshlar jamoalarini boshqarishi yoki professional klublarda murabbiylar shtabidan o‘rin olishi mumkin bo‘ladi.