Fransiyaning Parij shahrida “Ulkan toj” turkumiga kiruvchi Rolan Garros musobaqasi davom etmoqda. 31-may kuni chorak final doirasidagi ikkita o‘yin bo‘lib o‘tdi.
Jahonning birinchi raqamli tennischisi Novak Jokovich yarim final yo‘lida Rafael Nadalga qarshi bahs olib bordi. To‘rt set davom etgan o‘yin ispaniyalik sportchining g‘alabasi bilan yakunlandi — 6:2, 4:6, 6:2, 7:6.
Shu tariqa Nadal 15-marta Rolan Garros yarim finaliga chiqdi va bu ko‘rsatkich bo‘yicha rekord qayd etdi. Umumiy miqdorda Rafa 37-bor “Ulkan toj” yarim finalida qatnashadi. U bu borada faqat Jokovoich (42) va Rojer Federerdan (46) ortda.
Yana bir chorak final bahsida Aleksandr Zverev yosh tennischi Karlos Alkarasni mag‘lub etdi (6:4, 6:4, 4:6, 7:6).
Shu tariqa Nadal va Zverev yarim finalda o‘zaro to‘qnash keladi. Qayd etish kerak, “grunt qiroli” Rolan Garrosda shu vaqtga qadar yarim finalga chiqqanidan so‘ng faqat bir marta (o‘tgan yili Jokovoichga yutqazib) chempion bo‘la olmagan.
Izoh (0)