Germaniyada inflyatsiya yangi rekordni o‘rnatdi

Germaniyadagi inflyatsiya yana bir rekord darajaga yetdi. Bu haqda Bloomberg xabar bermoqda. 

Dushanba kuni e’lon qilingan ma’lumotlarga ko‘ra, may oyida qit’aning eng yirik iqtisodiyoti hisoblangan Germaniyada iste’mol narxlari o‘tgan yilga nisbatan 8,7 foizga oshgan.

Hisobot Yevropa Markaziy bankining muhim yig‘ilishidan atigi 10 kun oldin ma’lum qilinadi. Unda amaldorlar yirik miqyosdagi aktivlarni sotib olish yakunlari haqida e’lon qiladi. Bu esa o‘n yildan ortiq vaqt ichida birinchi marta iyul oyida Yevropa Markaziy bankining foiz stavkalarini oshirish rejalarini tasdiqlaydi. 

Germaniya obligatsiyalari pasayishda davom etmoqda. Inflyatsiya ko‘rsatkichlari hukumatga bosimni kuchaytiradi, chunki uy xo‘jaliklari yanada qiyinchiliklarga duch keladi. 

Germaniya moliya vaziri Kristian Lindner dushanba kuni boshida narxlarning o‘sishiga qarshi kurashni “birinchi ustuvor vazifa” deb atab, keng qamrovli fiskal siyosatga chek qo‘yishni yoqladi.

Lindner Berlindagi matbuot anjumanida “Inflyatsiya — bu katta iqtisodiy xavf. Iqtisodiy inqiroz yuzaga kelmasligi va inflyatsiya o‘z-o‘zidan oziqlanadigan spiral paydo bo‘lishi uchun biz bunga qarshi kurashishimiz kerak”, — deydi Lindner Berlindagi matbuot anjumanida.

Rossiyaning Ukrainaga bostirib kirishi ortidan sanoat uzluksiz muammolar va energiya ta’minotidagi noaniqlikdan aziyat chekayotgan bir paytda narxlarning o‘sish sur’ati iste'molni susaytirishi mumkin.

Iqtisodchilarning aytishicha, hozirda inflyatsiya o‘zining eng yuqori cho‘qqisiga chiqqan bo‘lsa-da, uy xo‘jaliklari ancha vaqt qiyinchiliklarga uchraydi. 

Germaniyada parlament quyi palatasi bir martalik to‘lov, bolalarga qo‘shimcha mablag‘ va elektr energiyasi narxlarini kamaytirishni o‘z ichiga olgan yordam choralari paketini qabul qildi.

Avvalroq Germaniya yaqinlashib kelayotgan global oziq-ovqat falokatidan ogohlantirgan edi.