Qishloq xo‘jaligi vazirligi veb-sayti tezkor aloqa chatiga foydalanuvchilardan savollar kelib tushmoqda. Vazirlik bog‘dorchilik fermerlariga subsidiya berilishi haqidagi savolga javob berdi.
Vazirlar Mahkamasining 2021-yil 23-fevraldagi qaroriga ko‘ra sarflangan xarajatlarning bir qismini qoplash uchun subsidiyalarni o‘z vaqtida talabgorlarning hisobvaraqlariga o‘tkazib berish belgilab qo‘yilgan.
Bunga ma’sul qilib Qishloq xo‘jaligi vazirligi huzuridagi Bog‘dorchilik va issiqxona xo‘jaligini rivojlantirish agentligi hamda Alkogol va tamaki bozorini tartibga solish hamda vinochilikni rivojlantirish agentligi ko‘rsatilgan.
Subsidiya yangi intensiv bog‘ va tokzorlarda suvni tejaydigan texnologiyalarni joriy etishga sarflangan xarajatlarning bir qismini qoplash uchun beriladi.
Yangi intensiv bog‘da tomchilatib sug‘orish texnologiyalarini joriy etish ishlari va burg‘ilangan quduq, nasos stansiyasini qurish ishlari yakunlangandan so‘ng Bog‘dorchilik va issiqxona xo‘jaligini rivojlantirish agentligiga murojaat qilish mumkin.
Avvalroq Ipoteka krediti uchun subsidiyalar bo‘yicha ma’lumot berilgan edi.
Izoh (0)