2022-yil 4-iyundan Uzbekistan Airways Toshkent—Samara—Toshkent xalqaro yo‘nalishi bo‘yicha ilk qatnovini amalga oshiradi. Bu haqda aviakompaniya matbuot xizmati xabar berdi.
Ma’lum qilinishicha, Toshkent—Samara—Toshkent yo‘nalishi bo‘yicha muntazam aviaqatnovlar haftada bir marta — shanba kunlari amalga oshiriladi.
Aviachiptalarni “Uzairways.com” rasmiy saytidan 3 foiz chegirma bilan, Uzbekistan Airways Sales filialidan yoki aviakompaniya agentlaridan xarid qilish mumkin.
2021-yilda Uzbekistan Airways O‘zbekiston mustaqilligining 30 yilligiga bag‘ishlab faqat ekonom-klassdan iborat yangi modeldagi aviaqatnovlarni boshlagan. Ilk Uzbekistan Airways Express aviaqatnoviga Bandlik va mehnat munosabatlari vazirligi bilan hamkorlikda 22 nafar migrant-yo‘lovchilar taklif etilib, ularga bir martalik Toshkent—Moskva yo‘nalishiga bepul aviachiptalar hadya etilgan edi.
Izoh (0)