2022 йил 4 июндан Uzbekistan Airways Тошкент—Самара—Тошкент халқаро йўналиши бўйича илк қатновини амалга оширади. Бу ҳақда авиакомпания матбуот хизмати хабар берди.
Маълум қилинишича, Тошкент—Самара—Тошкент йўналиши бўйича мунтазам авиақатновлар ҳафтада бир марта — шанба кунлари амалга оширилади.
Авиачипталарни «Uzairways.com» расмий сайтидан 3 фоиз чегирма билан, Uzbekistan Airways Sales филиалидан ёки авиакомпания агентларидан харид қилиш мумкин.
2021 йилда Uzbekistan Airways Ўзбекистон мустақиллигининг 30 йиллигига бағишлаб фақат эконом-классдан иборат янги моделдаги авиақатновларни бошлаган. Илк Uzbekistan Airways Express авиақатновига Бандлик ва меҳнат муносабатлари вазирлиги билан ҳамкорликда 22 нафар мигрант-йўловчилар таклиф этилиб, уларга бир марталик Тошкент—Москва йўналишига бепул авиачипталар ҳадя этилган эди.
Изоҳ (0)