IT park 25 yoshli Mirshod Sharipovning sohadagi muvaffaqiyatlari to‘g‘risidagi hikoyani taqdim etdi. Hikoya qahramoni Buxoro viloyatining Buxoro tumanida tug‘ilgan. Hozir u 25 yoshda va bir nechta muvaffaqiyatli loyihalarga ega.
Mirshod 2020-yilda dasturlash kurslariga qatnab, sohadagi o‘z yo‘lini boshlagan. Bir necha oydan so‘ng, birinchi loyihasini ishga tushirgan.
Hozir Mirshodning jamoasi 12 kishidan iborat. Bugungi kunda ular dasturlash va 3D modellashtirish, robototexnika hamda sxemotexnika sohalarida yangi startaplar ustida ishlamoqda.
U loyihalarda ishtirok etishdan tashqari, Buxoro viloyatidagi IT Park filialida dars beradi. Mirshod web-dasturlash, kompyuter grafikasi va robototexnika bo‘yicha kurslarni olib boradi. Hozir yosh ustozning 450 nafar shogirdi bor.
Ustoz sifatida ishlash va o‘z loyihalarida ishtirok etish samarasini bermoqda: shu kungacha Mirshod oyiga taxminan 1300 dollar maosh oladi.
Avvalroq IT Park rezidentlar soni va eksport hajmi keskin oshgani haqida xabar berilgan edi.
Izoh (0)