Toshkent shahri Mirzo Ulug‘bek tumanida tadbirkorga Ai-80 markali yonilg‘ini arzon narxlarda olib berishni va’da qilgan shaxslar aniqlandi. Bu haqda Iqtisodiy jinoyatlarga qarshi kurashish departamenti xabar qildi.
Qayd etilishicha, Bosh prokuratura huzuridagi departamentning Mirzo Ulug‘bek tuman bo‘limi tomonidan tadbirkorlik subyektlarining huquqlarini himoya qilish yuzasidan tergovga qadar tekshiruv o‘tkazilgan. Unda fuqaro J.N. va boshqalar “E” MCHJ rahbari N.ning ishonchiga kirib, unga arzon narxlarda Ai-80 markali benzin yonilg‘isini olib berishni va’da qilgani aniqlangan. Ular tadbirkorning 1,4 milliard so‘mini “A.I.” MCHJ hisob raqamiga o‘tkazib olib, firibgarlik yo‘li bilan o‘zlashtirgan.
Holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilgan. Hozirda tergov harakatlari o‘tkazilmoqda.
Mavzuga doir:
- Andijonda kollej o‘quvchisi 400 dollar pora bilan qo‘lga tushdi
- Andijon va Sirdaryoda fuqarolarning xorijdagi o‘qishini Toshkent tibbiyot akademiyasiga ko‘chirib berish uchun jami 4,5 ming dollar olgan shaxslar ushlandi
- Qo‘qonda fuqaroga nisbatan IIBda to‘plangan hujjatlarini ijobiy hal qilib berish uchun 1000 dollar olgan shaxs ushlandi
Izoh (0)