Toshkent viloyatining Yuqori Chirchiq va Farg‘ona viloyatining Toshloq tumanlarida tabiiy resurslardan noqonuniy foydalanish holatlari aniqlandi. Bu haqda Iqtisodiy jinoyatlarga qarshi kurashish departamenti xabar qildi.
Qayd etilishicha, Bosh prokuratura huzuridagi departamentning Yuqori Chirchiq tuman bo‘limi tomonidan tergovga qadar tekshiruv o‘tkazilgan. Unda fuqaro M.A. “Iyk ota” mahallasida hech qanday hujjatlarsiz issiqxona tashkil etib, tabiiy gaz tarmog‘iga o‘zboshimchalik bilan ulanib olgani aniqlangan. Oqibatda davlat va jamiyat manfaatlariga 32,4 million so‘m zarar yetkazilgan.
Shuningdek, Toshloq tumanida “A.G‘.” fermer xo‘jaligi rahbari M.A. “Teraktagi” MFYda joylashgan dala shiyponida o‘zboshimchalik bilan elektr tarmog‘iga ulanib, noqonuniy ravishda elektr energiyadan foydalanib kelgan. Buning oqibatida davlat va jamiyat manfaatlariga 32,5 million so‘m zarar yetkazilgan.
Holatlar yuzasidan Jinoyat kodeksining 185-2- moddasi (elektr, issiqlik energiyasi, gaz, vodoprovoddan foydalanish qoidalarini buzish) bilan jinoyat ishlari qo‘zg‘atilgan. Hozirda tergov harakatlari o‘tkazilmoqda.
Mavzuga doir:
- Marg‘ilonda qo‘lbola gaz yondirgichlar orqali ohak ishlab chiqarish bilan shug‘ullangan yashirin sex aniqlandi
- Andijondagi korxona yuristi kriptomayningdan foydalanib, davlat manfaatiga katta zarar keltirdi
- Andijondagi savdo majmuasi elektr energiyasidan noqonuniy foydalanib, qariyb 2 mlrd so‘m zarar yetkazgani aniqlandi
Izoh (0)