«Милан» ҳужумчиси Златан Ибраҳимович жарроҳлик амалиётидан сўнг мавсумнинг ярмидан кўпроғини ўтказиб юборади.
Швециялик ҳужумчи яна чап тиззасидан операция қилинди. Тизза бўғимдаги ҳаракат бузилишини жойига келтириш учун жарроҳлик амалиёти зарур эди.
«Милан» операция муваффақиятли ўтганини хабар қилди. 40 ёшли ҳужумчи 7-8 ой майдонга туша олмайди.
Октябрь ойида 41 ёшга кирадиган Златаннинг «россонерилар» билан шартномаси 30 июнда ўз ниҳоясига етади.
Аввалроқ миланликлар швециялик ҳужумчи билан шартномани узайтиришга тайёр эканлиги хабар қилинганди.
Златан 2021/22 йилги мавсум А Серияда 23 та ўйинда иштирок этиб, 8 та гол ва 3 та голли узатмага муаллифлик қилди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)