O‘zbekistonlik hujumchi Eldor Shomurodov “Roma” bilan Konferensiyalar Ligasida g‘olib chiqdi.
“Roma” finalda “Feyenoord”ni mag‘lubiyatga uchratib (1:0), musobaqaning ilk g‘olibiga aylandi. O‘zbekistonlik forvard uchrashuvning 89-daqiqasida zaxiradan maydonga tushdi.
Shu tariqa Eldor Yevrokuboklar finalida maydonga tushgan ilk o‘zbekistonlik futbolchi bo‘ldi. Shuningdek, 26 yoshli futbolchi faoliyatidagi dastlabki katta sovringa ega chiqdi. Bunga qadar Shomurodovning yagona sovrini “Mash’al” safida qo‘lga kiritilgan PFL Kubogi (2014-yil) edi.
Yevrokuboklar finaliga Eldorga qadar “SSKA” safida Vitaliy Denisov (UEFA Kubogi—2005) yetib kelgan va g‘oliblikni qo‘lga kiritgan. Biroq u finalda maydonga tushmagan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)