Farg‘ona viloyati Quva tumanida ko‘knori giyohvandlik o‘simligini parvarishlab kelayotgan shaxs aniqlandi. Bu haqda viloyat Ichki ishlar boshqarmasi xabar qildi.
14-may kuni tuman IIB xodimlari tomonidan o‘tkazilgan tezkor tadbir davomida “Paxtakor” MFY hududida yashovchi A.N xonadoni xolislar ishtirokida ko‘zdan kechirilganda tomorqasida 318 tup ko‘knori giyohvandlik o‘simligini yetishtirib kelayotgani aniqlanib, daliliy ashyo tariqasida olingan.
Holat yuzasidan Quva tumani IIB huzuridagi tergov bo‘limi tomonidan Jinoyat kodeksining 270-moddasi (taqiqlangan ekinlarni yetishtirish) 1-qismi bilan jinoyat ishi qo‘zg‘atilib, tergov harakatlari olib borilmoqda.
Bundan avval viloyatning Qo‘shtepa tumanida tomorqasida 262 tup ko‘knori yetishtirayotgan ayol aniqlangani haqida xabar berilgan edi.
Izoh (0)