YouTube’dagi Barcroft Cars kanalida 1957-yilda ishlab chiqarilgan klassik Chevrolet pikapi asosida ishlangan Hot Streak II dragsteri namoyish etilgan rolik paydo bo‘ldi. Noyob mashina 1990-yillar boshida yasalgan. Avtomobilni yaratishda reaktiv qurilmalar bo‘yicha konstruktor Les Shkole ishtirok etgan. Uning sharofati bilan transport vositasi samolyotning ikkita dvigateliga ega bo‘lgan.
Turboreaktiv dvigatellar 25 ming ot kuchini taqdim etishga qodir. Pikapning maksimal tezligi soatiga 560 kilometrga chiqa oladi — mashina bunga bir necha soniyada erishadi.
Avtomobilga an’anaviy tormoz tizimi o‘rniga besh metrli ikkita parashyut o‘rnatilgan bo‘lib, ular tomozlanishda ulkan yuklamani hosil qila oladi.
Reaktiv pikap yaratuvchisi 2019-yilda vafot etgan, biroq uning Hot Streak II nomli mashinaning hozirgi egasi uni ideal holatda saqlab kelmoqda.
Eslatib o‘tamiz, 2020-yilda reaktiv dvigatel bilan jihozlangan noodatiy “pishloq parchasi” — Cheese-N-Ator yana bir bor sotuvga qo‘yilgan. So‘nggi yillarda Cheese-N-Ator sezilarli darajada arzonlashmoqda: 2018-yili u 35 ming dollar narxida sotuvga qo‘yilgan bo‘lsa, 2019-yilda 24 ming dollarni, 2020-yilda esa 16 ming dollarni tashkil etgan.
Izoh (0)