Mercedes-Benz kompaniyasi Mercedes-Maybach sedanining bugungi kundagi eng hashamatli variantini taqdim etdi. Unga Haute Voiture nomi berilgan bo‘lib, dizaynerlar avtomobilni yaratishda Haute couture’dan (“yuqori darajadagi moda”) ilhomlangan. Sedan o‘ziga xos rangdagi kuzov, Nappa charmi bilan qoplangan salon, pushti tilla chiziqlar tushirilgan oq rangli sun’iy mo‘ynaga ega bo‘lgan, deb xabar beradi Motor.
Kapot, tom qismi va g‘ildirak diskalari yaltiroq to‘q ko‘k rang bilan qoplangan bo‘lib, u kuzovning ostki qismidagi chang-pushti jilo bilan uyg‘unlik hosil qiladi.
Bu kabi rangdan hashamatli salonda ham foydalanilgan va u shou-karga o‘ziga xoslik taqdim etadi: interyerning asosiy qismi oq rangli Nappa charmi, eshik kartlari esa ko‘k, sarg‘ish va pushti naqshli bukle matosi bilan qoplangan. Bu kabi naqshlarni bosh qo‘ygich, suyangich va o‘rindiqlarning orqa qismida ham uchratish mumkin.
Eshik kartlari, yostiqlar va hatto gilamchalarda qo‘llaniladigan pushti tilla ham momiq sun’iy mo‘yna dekorga ekstravaganlik bag‘ishlaydi — amalda keng foydalanilmagan bu kabi elementlar cheklangan tovar versiyasida bo‘lish-bo‘lmasligi noma’lum. Shuningdek, oq mo‘yna bilan lyuks sedan jamlanmasidan o‘rin olgan sumkalar ham qoplangan.
Dizaynerlar MBUX multimedia tizimini ham e’tibordan chetda qoldirmagan va interfeysning ayrim elementlarini ham salondagi qimmatbaho metall rangiga bo‘yagan. So‘nggi chizgi — shampan vinosi uchun mo‘ljallangan tilla rangli bir juft bokal.
Haute Voiture’ning texnik tavsifi haqida hech narsa ma’lum emas. Taxminlarga ko‘ra, unga Project Maybach maxsus versiyasining olti litrli V12 biturbomotori o‘rnatiladi. Cheklangan miqdordagi sedanlar savdosi 2023-yildan boshlanadi.
Avvalroq Mercedes-Benz dunyodagi eng qimmat avtomobilini yashirin ravishda sotib yuborgani to‘g‘risida xabar berilgandi.
Izoh (0)