YouTube’даги Barcroft Cars каналида 1957 йилда ишлаб чиқарилган классик Chevrolet пикапи асосида ишланган Hot Streak II драгстери намойиш этилган ролик пайдо бўлди. Ноёб машина 1990 йиллар бошида ясалган. Автомобилни яратишда реактив қурилмалар бўйича конструктор Лес Школе иштирок этган. Унинг шарофати билан транспорт воситаси самолётнинг иккита двигателига эга бўлган.
Драгстернинг асосини шиша толадан ишланган янги кузов панеллари ўрнатилган 1957 йилги Chevrolet пикапи ташкил этади. Автомобиль мотор ўрнига Т-2 Buckeye ўқув-машғулот самолётининг иккита Westinghouse J34 реактив двигателига эга бўлган.
Турбореактив двигателлар 25 минг от кучини тақдим этишга қодир. Пикапнинг максимал тезлиги соатига 560 километрга чиқа олади — машина бунга бир неча сонияда эришади.
Автомобилга анъанавий тормоз тизими ўрнига беш метрли иккита парашют ўрнатилган бўлиб, улар томозланишда улкан юкламани ҳосил қила олади.
Реактив пикап яратувчиси 2019 йилда вафот этган, бироқ унинг Hot Streak II номли машинанинг ҳозирги эгаси уни идеал ҳолатда сақлаб келмоқда.
Эслатиб ўтамиз, 2020 йилда реактив двигатель билан жиҳозланган ноодатий «пишлоқ парчаси» — Cheese-N-Ator яна бир бор сотувга қўйилган. Сўнгги йилларда Cheese-N-Ator сезиларли даражада арзонлашмоқда: 2018 йили у 35 минг доллар нархида сотувга қўйилган бўлса, 2019 йилда 24 минг долларни, 2020 йилда эса 16 минг долларни ташкил этган.
Изоҳ (0)