Oshxonada o‘tkaziladigan tajribalar odatda qiziqarli va mazali bo‘lishi mumkin, ammo to‘g‘ri ovqatlanish bo‘yicha mutaxassislar iste’mol jarayonida ayrim mahsulot va ichimliklarni birlashtirishdan ehtiyot bo‘lishni maslahat beradi. Ovqat hazm qilish tizimiga zarar yetkazmoqchi yoki kun bo‘yi o‘zingizni yomon his qilmoqchi bo‘lmasangiz Marie Claire nashri taqdim etgan bir nechta kombinatsiyalardan imkon qadar saqlanish kerak.
Ikki yuqori oqsilli mahsulot
Misol uchun, tuxum va go‘sht yoki tovuq va pishloq. Oqsilli mahsulotlar juda uzoq vaqt davomida hazm qilinadi va agar bir idishda yoki taomda ikkisidan ham bo‘lsa, hazm jarayoni undan ham uzoqqa cho‘ziladi. Shuningdek, kun oxirigacha oshqozonda og‘irlik hissi kafolatlanadi. Birgina oqsilga boy mahsulotni uglevod yoki klechatkalisi bilan iste’mol qilish yaxshiroq.
Sitrus va sut
Bu kombinatsiyani doimiy ravishda sutli kokteyl va muzqaymoqlardan topish mumkin. Albatta, bu juda mazali, ammo sitrus mevalari sutning oshqozonda qotib qolishiga olib keladi, bu qorin dam bo‘lishi yoki jig‘ildon qaynashiga sabab bo‘ladi.
Sut va banan
Sevib iste’mol qilinadigan kokteyl va shirinliklar uchun yana bir mashhur kombinatsiya. Ammo ushbu juftlikni ham hazm qilish juda qiyin. Agar bananli kokteyllarni juda yaxshi ko‘radiganlar bo‘lsa, hazm qilish oson bo‘lishi uchun ularga bir chimdim dolchin yoki muskat yong‘og‘ini qo‘shish tavsiya etiladi.
Har qanday taom bilan meva
Agar mevalar ovqatdan keyin darhol yoki aralash iste’mol qilinsa — asosiy taom bilan bir qatorda, ular oshqozonda fermentatsiyani boshlaydi. Bu esa oshqozonda og‘irlik, jig‘ildon qaynashi va kekirishni keltirib chiqaradi. Ushbu muammolarning oldini olish uchun mevalarni ovqatdan biroz vaqt o‘tib, alohida iste’mol qilish mumkin.
Salqin ichimliklar bilan pishloq
Afsuski, muzdek kola va pishloqli pitssani birgalikda tanovul qilishni yoqtiradiganlar uchun yomon yangilik bor: bu kombinatsiya sog‘liq uchun faqat zararli. Gap shundaki, salqin ichimliklar pishloq va u tarkibda bo‘lgan barcha yeguliklarni hazm qilishni qiyinlashtiradi. Natijada, bu oshqozonda noqulaylik va og‘riq paydo bo‘lishiga olib kelishi mumkin.
Izoh (0)