Futbol bo‘yicha Italiya A Seriyasining 38-turidan o‘rin olgan o‘yinda “Yuventus” 21-may, shanba kuni “Fiorentina” bilan bahs yuritdi.
Uchrashuv 2:0 hisobida mezbonlarning g‘alabasi bilan yakunlandi. Birinchi bo‘limga qo‘shib berilgan daqiqalarda Alfred Dankan turinliklar jarima maydonchasidagi tartibsizliklardan unumli foydalanib, hisobni ochdi. 90+2-daqiqada esa Nikolas Gonsales oradagi farqni oshirgan holda, jamoasiga ishonchli g‘alaba keltirdi.
Shu tariqa “Yuventus” uchun Italiya chempionatining 2021/22-yilgi mavsumi yakunlandi. Jamoa 70 ochko bilan musobaqa jadvalida 4-o‘rinni egalladi. 62 ochko jamg‘argan “Fiorentina” 7-pog‘ona bilan kifoyalandi.
“Latsio” 6 ta gol urilgan o‘yinda “Verona” bilan durang o‘ynadi, “Atalanta” o‘z maydonida “Empoli”ga yengildi.
A Seriya
38-tur bahslari
21-may, shanba
“Fiorentina” – “Yuventus” 2:0
Gollar: 1:0 – 45 Dankan, 2:0 – 90, penalti Gonsales.“Fiorentina”: Terrachchano, Venuti (Odriosola, 62), Igor Julio, Milenkovich, Biragi, Bonaventura, Dankan (Torreyra, 85), Amrabat, Saponara (Ikone, 70), Piontek (Artur, 85), Gonsales.
“Yuventus”: Perin (Pinsolyo, 46), Kyellini (Rugani, 46), Bonuchchi, de Ligt, Aleks Sandro, Rabyo, Lokatelli, Miretti (Makkenni, 76), Bernardeski (Ake, 60), Dibala, Kin (Vlahovich, 76).
Ogohlantirishlar: Kin (44), Igor Julio (45), Venuti (56), Rabyo (56), Amrabat (70), de Ligt (84).
Izoh (0)