“Manchester Siti” futbolchisi Fil Foden APLda 2021/22-yilgi mavsumining eng yaxshi yosh futbolchisi deb topildi.
21 yoshli Foden ketma-ket ikkinchi marta ushbu sovringa ega chiqqan ilk futbolchi hisoblanadi. Fil 2020/21-yilgi mavsumda ham eng yaxshi yosh futbolchi maqomini qo‘lga kiritgandi.
23 yoshdan katta bo‘lmagan futbolchilarga topshiriladigan ushbu sovrin uchun Fodendan tashqari Trent Aleksander-Arnold (“Liverpul”), Konor Gallaher (“Kristal Pelas”), Tayrik Mitchell (“Kristal Pelas”), Meyson Maunt (“Chelsi”), Aaron Ramsdeyl (“Arsenal”), Deklan Rays (“Vest Hem”) va Bukayo Saka (“Arsenal”) kurash olib borgandi.
Fil joriy mavsum Angliya Premyer Ligasida 27 ta o‘yinda ishtirok etib, 9 ta gol va 5 ta golli uzatmaga mualliflik qildi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)