Beshta vazn divizionida sobiq Jahon chempioni Floyd Meyvezer va Don Mur o‘rtasidagi ko‘rgazmali jangning vaqti yana o‘zgardi.
45 yoshli Meyvezer va 42 yoshli Mur o‘rtasidagi bellashuv 14-may kuni Dubay shahrida o‘tkazilishi lozim edi. Ammo BAA prezidenti Xalifa ibn Zayd al-Nahayonning vafoti sabab, jang boshqa sanaga qoldirilgan edi.
Avvaliga Meyvezer o‘z Instagram sahifasida Mur bilan jang 21-may kuni o‘tkazilishini ma’lum qilgandi. Ammo tashkilotchilar Meyvezer—Mur jangini 21-oktyabrga qoldirishga qaror qildi. Bunga BAAning motam holatida ekani sabab sifatida ko‘rsatilgan.
Ma’lumot uchun, Floyd ushbu jangdan 10 million dollar gonorar oladi. Shuningdek, pullik translyatsiyalar sotuvidan tushadigan 50% ulush ham bokschiga taqdim etiladi.
Meyvezer 2021-yilning iyunida bloger Logan Polga qarshi ko‘rgazmali jangda ishtirok etgandi. Bellashuvda g‘olib nomi aniqlanmagandi.
Izoh (0)