“Yuventus” futbolchisi Paulo Dibala o‘z Instagram sahifasida jamoa bilan xayrlashuv so‘zlarini yozib qoldirdi.
Xayrlashish uchun kerakli so‘zlarni topish qiyin. Shuncha yil va shuncha hissiyotlar. Yana ko‘p yillar birga bo‘lamiz deb o‘ylagandim, ammo taqdir bizni turli yo‘llardan ketishimizni xohladi.“Yuventus” 16-may kuni o‘z maydonida “Latsio” bilan bahs olib boradi. 22-may kuni A Seriyaning so‘nggi turida “Fiorentina” bilan to‘qnash keladi.Siz tufayli boshimdan kechirgan har bir o‘yin, har bir golimni unutmayman. Sizlar bilan ulg‘aydim, o‘qidim, yashadim va orzu qildim. O‘tgan 7 yil sehrli bo‘ldi. 12 ta sovrin va 115 ta gol, buni hech kim bizdan tortib ololmaydi. Hech qachon.
Qiyin pallalarda meni qo‘llab-quvvatlaganingiz uchun rahmat. Yillar davomida men bilan birga bo‘lganlarga: boshidan oxirigacha, muxlislardan tortib to klubda ishlaydigan xodimlargacha, murabbiy va jamoadoshlarimga, xodimlar va boshqaruvchilarga rahmat.
Bu futbolkani kiyish va sardorlik bog‘ichini taqish hayotimdagi eng faxrli lahzalardan biri. Kun kelib farzandlarim va nabiralarimga buni ko‘rsata olaman, deb umid qilaman.
“Latsio”ga qarshi uchrashuv “Yuventus” libosidagi so‘nggi o‘yinim bo‘ladi. Tasavvur qilish qiyin, ammo bu oxirgi xayrlashuvimiz bo‘ladi.
Oson bo‘lmaydi, ammo men siz uchun borimni berganimni bilib, tabassum bilan boshimni ko‘targan holda maydonga tushaman.
Paulo Dibala, “Yuventus” hujumchisi
Eslatib o‘tamiz, argentinalik futbolchining “Yuventus” bilan shartnomasi 2022-yil yozida o‘z nihoyasiga yetadi va u erkin agent sifatida klubni tark etadi.
Ayni damda futbolchiga asosiy da’vogar “Inter” hisoblanadi. Shuningdek, unga “Atletiko” ham qiziqish bildirmoqda. Avvalroq, “Liverpul” va “Manchester Siti”ning Pauloni tekinga qo‘lga kiritmoqchi ekanligi to‘g‘risida xabarlar yangragandi.
28 yoshli futbolchi 2021/22-yilgi mavsum “Yuventus” safida A Seriyada 27 ta o‘yin o‘tkazib, 10 ta gol va 5 ta golli uzatmaga mualliflik qildi.
Izoh (0)