«Ювентус» футболчиси Пауло Дибала ўз Instagram саҳифасида жамоа билан хайрлашув сўзларини ёзиб қолдирди.
Хайрлашиш учун керакли сўзларни топиш қийин. Шунча йил ва шунча ҳиссиётлар. Яна кўп йиллар бирга бўламиз деб ўйлагандим, аммо тақдир бизни турли йўллардан кетишимизни хоҳлади.«Ювентус» 16 май куни ўз майдонида «Лацио» билан баҳс олиб боради. 22 май куни А Сериянинг сўнгги турида «Фиорентина» билан тўқнаш келади.Сиз туфайли бошимдан кечирган ҳар бир ўйин, ҳар бир голимни унутмайман. Сизлар билан улғайдим, ўқидим, яшадим ва орзу қилдим. Ўтган 7 йил сеҳрли бўлди. 12 та соврин ва 115 та гол, буни ҳеч ким биздан тортиб ололмайди. Ҳеч қачон.
Қийин паллаларда мени қўллаб-қувватлаганингиз учун раҳмат. Йиллар давомида мен билан бирга бўлганларга: бошидан охиригача, мухлислардан тортиб то клубда ишлайдиган ходимларгача, мураббий ва жамоадошларимга, ходимлар ва бошқарувчиларга раҳмат.
Бу футболкани кийиш ва сардорлик боғичини тақиш ҳаётимдаги энг фахрли лаҳзалардан бири. Кун келиб фарзандларим ва набираларимга буни кўрсата оламан, деб умид қиламан.
«Лацио»га қарши учрашув «Ювентус» либосидаги сўнгги ўйиним бўлади. Тасаввур қилиш қийин, аммо бу охирги хайрлашувимиз бўлади.
Осон бўлмайди, аммо мен сиз учун боримни берганимни билиб, табассум билан бошимни кўтарган ҳолда майдонга тушаман.
Пауло Дибала, «Ювентус» ҳужумчиси
Эслатиб ўтамиз, аргентиналик футболчининг «Ювентус» билан шартномаси 2022 йил ёзида ўз ниҳоясига етади ва у эркин агент сифатида клубни тарк этади.
Айни дамда футболчига асосий даъвогар «Интер» ҳисобланади. Шунингдек, унга «Атлетико» ҳам қизиқиш билдирмоқда. Аввалроқ, «Ливерпуль» ва «Манчестер Сити»нинг Паулони текинга қўлга киритмоқчи эканлиги тўғрисида хабарлар янграганди.
28 ёшли футболчи 2021/22 йилги мавсум «Ювентус» сафида А Серияда 27 та ўйин ўтказиб, 10 та гол ва 5 та голли узатмага муаллифлик қилди.
Изоҳ (0)