Davlat aktivlarini boshqarish agentligi (DABA) Lotte City Hotel Tashkent Palace mehmonxonasini raqobatli sotuv jarayoni orqali xususiylashtirish boshlanganini e’lon qildi.
4 yulduzli mehmonxona Toshkent markazida, Navoiy opera va balet teatri qarshisida joylashgan. 2013-yilda Janubiy Koreyaning Lotte Hotel brendi boshqaruviga o‘tkazilgan.
Mehmonxonaning umumiy yer maydoni 1,14 gektar, bino va inshootlar maydoni 24,3 ming kvadrat metrni tashkil etadi.
Lotte City Hotel Tashkent Palace — daromadli kompaniya (masalan, o‘tgan yili mehmonxonaning yillik daromadi 1,25 mlrd so‘m bo‘lgan edi), lekin 2022-yilning ilk choragida 1,31 mlrd so‘m zarar ko‘rgan.
Avvalroq “O‘zbekiston milliy elektr tarmoqlari” yil boshidan beri 1,5 trillion so‘m zarar ko‘rgani haqida xabar berilgan edi.
Izoh (0)